पछिल्लो २४ घण्टामा थपिए १३४ कोराना संक्रमित
काठमाडौँ २८ माघ । नेपालमा पछिल्लो २४ घण्टामा १३४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार तीन हजार ५६७ को नमुना परीक्षणमा गर्दा बुधबार १३४ जनामा संक्रमण पुष्टि भएको हो।
आजको संक्रमित संख्या सहित कोरोना संक्रमितको संख्या २ लाख ७२ हजार ३४९ पुगेको छ।
त्यस्तै, यो अवधिमा ११८ जना कोरोनामुक्त भएका छन्। योसहित नेपालमा कोरोनामुक्त हुनेको संख्या दुई लाख ६८ हजार ५५० पुगेको छ।
मन्त्रालयका अनुसार नेपालमा निकोे हुनेको दर ९८.६ प्रतिशत रहेको छ।
