एनपीएलमा आज काठमाडौं गोर्खाज र चितवन राइनोजबीच एलिमिनेटर भिडन्त
मंसिर ३। नेपाल प्रिमियर लिग (एनपीएल) को तेस्रो संस्करणअन्तर्गत आज एलिमिनेटर खेलमा काठमाडौं गोर्खाज र चितवन राइनोजबीच प्रतिस्पर्धा हुँदैछ। कीर्तिपुरस्थित त्रिवि अन्तर्राष्ट्रिय क्रिकेट मैदानमा हुने खेल दुवै टोलीका लागि महत्त्वपूर्ण रहेको छ। लिग चरणमा काठमाडौं गोर्खाज चार जित र तीन हारसहित तेस्रो स्थानमा रहँदा चितवन राइनोज तीन जित, तीन हार र एक खेल वर्षाका कारण रद्द भएपछि चौथो स्थानमा पुगेको थियो। यसअघि नोभेम्बर ९ मा भएको खेलमा काठमाडौंले चितवनलाई १० रनले पराजित गरेको थियो। आजको एलिमिनेटरमा विजयी हुने टोलीले दोस्रो क्वालिफायर खेल्ने अवसर पाउनेछ भने पराजित हुने टोली प्रतियोगिताबाट बाहिरिनेछ।









