वैकल्पिक मार्गबाट इन्धन आपूर्ति
सोमबार, भदौ १५। पृथ्वी राजमार्ग बाढी तथा पहिरोका कारण अवरुद्ध भएपछि काठमाडौं उपत्यकामा पेट्रोलियम पदार्थको अभाव हुन नदिन नेपाल आयल निगमले वैकल्पिक मार्गबाट इन्धन तथा एलपी ग्यास आपूर्ति गर्ने व्यवस्था मिलाएको छ। मुख्य सडकमा यातायात प्रभावित भए पनि राजधानीमा पेट्रोल, डिजेल तथा ग्यासको नियमित आपूर्ति कायम राख्न निगमले वैकल्पिक ढुवानी मार्ग प्रयोग गर्ने तयारी गरेको हो। बाढी–पहिरोका कारण आपूर्ति प्रणालीमा पर्न सक्ने असरलाई ध्यानमा राख्दै अत्यावश्यक पेट्रोलियम पदार्थको भण्डारण र वितरणलाई प्राथमिकता दिइएको छ।
