बाढी प्रभावितका लागि डब्लुएचओको १.५ लाख डलर आपत्कालीन सहायता
सोमबार, १५ भदौ । नेपालमा हालै आएको विनाशकारी बाढीबाट प्रभावित समुदायको स्वास्थ्य सेवा र आपत्कालीन प्रतिकार्यका लागि विश्व स्वास्थ्य सङ्गठन (डब्लुएचओ) ले १ लाख ५० हजार अमेरिकी डलर (करिब २ करोड रुपैयाँ) सहायता उपलब्ध गराएको छ। बाढीबाट ७३० भन्दा बढीको मृत्यु, करिब २,५०० जना बेपत्ता र सयौँ घाइते भएको अवस्थामा बागमती र गण्डकी प्रदेशका करिब १० हजार परिवारलाई तत्काल राहत आवश्यक रहेको छ। रसुवाका चार र धादिङका दुई स्वास्थ्य संस्था क्षतिग्रस्त हुनुका साथै सडक अवरुद्ध हुँदा दुर्गम क्षेत्रमा स्वास्थ्य सेवा र राहत पुर्याउन चुनौती देखिएको छ। डब्लुएचओले नेपाल सरकारसँग सहकार्य गर्दै स्वास्थ्य सामग्री, रोग निगरानी तथा आपत्कालीन स्वास्थ्य प्रतिकार्यमा सहयोग जारी राख्ने जनाएको छ।
