सुनको मूल्यले तोड्यो नयाँ रेकर्ड
काठमाडौं — नेपाली बजारमा सुनको मूल्यले नयाँ कीर्तिमान बनाएको छ। नेपाल सुनचाँदी व्यवसायी महासंघका अनुसार आज प्रतितोला सुनको मूल्य पहिलो पटक ३ लाख रुपैयाँ नाघ्दै ३ लाख १ हजार ४ सय रुपैयाँ पुगेको छ।
अघिल्लो दिनको तुलनामा एकैदिन प्रतितोला ९ हजार २ सय रुपैयाँले वृद्धि भएको हो। अन्तर्राष्ट्रिय बजारमा सुनको मूल्य बढ्नु, डलरको उतारचढाव तथा सुरक्षित लगानीतर्फ लगानीकर्ताको आकर्षण बढ्नुले नेपाली बजारमा पनि सुनको मूल्य उकालो लागेको व्यवसायीहरूले बताएका छन्।
लगातार बढ्दो मूल्यका कारण सुनका गरगहना खरिदमा कमी आउन सक्ने अनुमान गरिएको छ भने बजारमा चाँदीको मूल्य पनि नयाँ उचाइतर्फ उक्लिएको छ।
