सुनको मूल्यमा ठूलो गिरावट, चाँदीको मूल्यमा वृद्धि
काठमाडौँ । नेपाली बजारमा आज सुनको मूल्यमा उल्लेखनीय गिरावट आएको छ भने चाँदीको मूल्य भने बढेको छ।
नेपाल सुनचाँदी व्यवसायी महासङ्घका अनुसार बिहीबार प्रतितोला रु २,३९,२०० मा कारोबार भएको छापावाला सुनको मूल्य आज रु ४,२०० ले घटेर रु २,३५,००० मा झरेको छ। महासङ्घका अनुसार चाँदीको मूल्य भने उकालो लागेको छ। बिहीबार प्रतितोला रु ३,०२५ मा कारोबार भएको चाँदी आज रु ६० बढेर रु ३,०८५ पुगेको छ।
अन्तर्राष्ट्रिय बजारमा समेत सुनको मूल्यमा उतारचढाव देखिएको छ। आज एक औँस सुनको मूल्य ३,०५८ अमेरिकी डलरमा कारोबार भइरहेको अन्तर्राष्ट्रिय सञ्चारमाध्यमहरूले जनाएका छन्।
