भोटो जात्राको अवसरमा जेठ १८ गते काठमाडौं उपत्यकामा सार्वजनिक बिदा
काठमाडौँ - सरकारले रातो मत्स्येन्द्रनाथको भोटो देखाउने जात्राको अवसरमा आउँदो आइतबार (जेठ १८ गते) काठमाडौं उपत्यकामा सार्वजनिक बिदा दिने निर्णय गरेको छ।
गृह मन्त्रालयले शुक्रबार विज्ञप्ति जारी गर्दै काठमाडौं, ललितपुर र भक्तपुर जिल्लामा सार्वजनिक बिदा लागु हुने जानकारी दिएको हो।
नेपाल राजपत्रमा २०७८ साल फागुन १५ गते प्रकाशित सूचनाअनुसार भोटो जात्राको दिन उपत्यकामा बिदा दिने व्यवस्था गरिएको थियो, सोही अनुसार यो वर्ष पनि बिदा दिइएको मन्त्रालयले स्पष्ट पारेको छ।
