सुनसरीको कोशी गाउँपालिकाबाट ठूलो परिमाणमा लागुऔषधसहित एक जना पक्राउ
काठमाडौँ - सुनसरीको कोशी गाउँपालिकाबाट प्रहरीले ठूलो परिमाणमा लागुऔषधसहित एक जनालाई पक्राउ गरेको छ।
पक्राउ पर्ने व्यक्ति रामधुनी नगरपालिका–४ बस्ने २१ वर्षीय आशिस चौधरी हुन्।
जिल्ला प्रहरी कार्यालय सुनसरीका डीएसपी योगराज खतिवडाका अनुसार चौधरीको साथबाट ६,६०० क्याप्सुल स्पास्मो प्रोक्सिभन, ९० क्याप्सुल ट्रामोल, र १६० ट्याब्लेट नाइट्रेजेपम बरामद गरिएको छ।
प्रहरीले चौधरीलाई नियन्त्रणमा लिएर जिल्ला अदालत सुनसरीबाट म्याद थप गराई थप अनुसन्धान गरिरहेको जानकारी दिएको छ।
