प्रतिनिधि सभा बैठकमा गृहमन्त्री रमेश लेखकको राजीनामा माग्ने तयारी
काठमाडौं - आज प्रतिनिधि सभाको बैठक निर्धारित समयभन्दा आधा घण्टा ढिलाइमा, बिहान साढे ११ बजे सुरु भएको छ। बैठकको ढिलाइका कारण प्रमुख दलहरू आन्तरिक छलफलमा व्यस्त रहेका थिए।
बैठकको प्रमुख एजेन्डा भिजिट भिसा प्रकरणमा गृहमन्त्री रमेश लेखकको राजीनामा माग्ने विषयमा केन्द्रित रहेको छ। प्रतिपक्षी दलहरूले गृहमन्त्री लेखकको राजीनामा माग्ने रणनीति बनाएका छन्। गृहमन्त्री लेखकले आफूमाथि लागेको आरोपको जवाफ दिने बताएका छन्, तर प्रतिपक्षी दलहरूले पहिले आफूले प्रश्न गर्न पाउनुपर्ने बताउँदै आएका छन्।
