जनकपुरधाममा साँढे जुधिरहेको स्थानमा स्कुटर दुर्घटना, चालकको मृत्यु
काठमाडौं - जनकपुरधाम उपमहानगरपालिका–७ का ५० वर्षीय सत्तार राइनको स्कुटर दुर्घटनामा परि मृत्यु भएको छ। राति करिब साढे ८ बजे राइन मधेश प्रदेश ०२–००७ प ९२६६ नम्बरको स्कुटर चढेर घरतर्फ गइरहेका बेला पेठियाबजारमा दुई साँढे आपसमा जुधिरहेका थिए। स्थानीय सरकारको लापरवाहीका कारण सडकमा छाडा चौपाया छोडिँदा जोखिम बढेकोमा जनकपुरधामका नागरिकले चासो व्यक्त गरेका छन्।
घटनास्थलमा राइन स्कुटरबाट लडेर घाइते भएका थिए। उपचारका लागि उनलाई जानकी हेल्थ केयर अस्पताल लगिएको थियो, जहाँ चिकित्सकले मृत घोषणा गरेका छन्। धनुषाका प्रहरी प्रवक्ता डीएसपी बरुणबहादुर सिंहका अनुसार, यस घटनामा थप अनुसन्धान भइरहेको छ।
