नेकपा माओवादी केन्द्रको पदाधिकारी बैठक खुमलटारमा सुरु
काठमाडौं - नेकपा माओवादी केन्द्रको पदाधिकारी बैठक आज खुमलटारस्थित पार्टी अध्यक्ष पुष्पकमल दाहाल 'प्रचण्ड'को निवासमा सुरु भएको छ। बैठकमा पार्टी एकता, अभियानको समीक्षा र समसामयिक राजनीतिक अवस्थाबारे छलफल हुने जानकारी प्राप्त भएको छ।
बैठकको तयारीका लागि गंगानारायण श्रेष्ठको नेतृत्वमा एकता अभियानको समीक्षा समिति गठन गरिएको छ। सोमबार बिहान साढे ११ बजे ललितपुरको ग्वार्को खरिबोटस्थित कान्तिपुर ब्याङ्क्वेटमा एकता घोषणा कार्यक्रम आयोजना गरिने तय भएको छ।
