इलाम माङसेबुङमा विषालु च्याउ खाएर तीन जनाको मृत्यु
काठमाडौं - माङसेबुङ गाउँपालिका–५ का ५५ वर्षीय अमर लावती, २५ वर्षीया मनिषा लिम्बू र १७ वर्षीया नुमा लावतीको विषालु च्याउ खाएर मृत्यु भएको छ।
बिर्तामोडस्थित बिएनसी अस्पतालका सूचना अधिकारी डा. अनुपम घिमिरेका अनुसार, छ दिनअघि चिया बगानमा उम्रिएको च्याउ खाएका उनीहरू एक्कासि बिरामी परेका थिए। मनिषा र नुमाको विराट नर्सिङ अस्पताल विराटनगरमा उपचारका क्रममा मृत्यु भएको थियो भने अमर लावतीको आज बिएनसी अस्पतालमा मृत्यु भएको हो।
