केरलाको केरलाको कोची नजिकै 'खतरनाक सामान' बोकेको पानीजहाज डुबान
काठमाडौं - लाइबेरियाको ध्वजावाहक पानीजहाज MSC ELSA 3 आइतबार केरलाको कोची नजिकै समुद्रमा डुबेको छ। भिजिन्जाम बन्दरगाहबाट कोचीको लागि प्रस्थान गरेको उक्त जहाजमा २४ जना चालक दलका सदस्य थिए, जसमा २४ जनाकै उद्धार गरिएको छ ।
उक्त जहाजमा ६ सय ४० कन्टेनर थिए, जसमा १३ वटामा 'खतरनाक सामान' र १२ वटामा क्याल्सियम कार्बाइड रहेको जनाइएको छ। साथै, जहाजमा ८४.४४ मेट्रिक टन डिजेल र ३ सय ६७.१ मेट्रिक टन फर्नेस तेल पनि रहेको मन्त्रालयले जनाएको छ। हालसम्म समुद्रमा तेल चुहिएको छैन भने घटनाबारे अनुसन्धान भइरहेको जनाइएको छ ।
