त्रिभुवन अन्तर्राष्ट्रिय विमानस्थलमा भारतीय नागरिक गाँजासहित पक्राउ
काठमाडौं - त्रिभुवन अन्तर्राष्ट्रिय विमानस्थलमा २३ वर्षीय भारतीय नागरिक श्रीनिस कालेकलाथिललाई ४ केजी ४८० ग्राम गाँजासहित पक्राउ गरिएको छ। नेपाल एयरलाइन्सको उडानबाट आएका उनले आफ्नो सुटकेशमा गाँजा लुकाएर ल्याएका थिए। प्रहरीले नियमित सुरक्षा जाँचका क्रममा गाँजा बरामद गरेको हो।
पक्राउ परेका कालेकलाथिललाई लागुऔषध नियन्त्रण ब्यूरोले अनुसन्धान गरिरहेको छ।
