एन्ड्र्यु उशाकोभाले सगरमाथा चढ्ने नयाँ कीर्तिमान बनाएका छन्
काठमाडौं - पर्वतारोही एन्ड्र्यु उशाकोभाले सगरमाथा चढ्ने नयाँ कीर्तिमान बनाएका छन्। उनीले समुद्री सतहदेखि सगरमाथा शिखरसम्मको यात्रा ३ दिन २३ घण्टा ७ मिनेटमा पूरा गरी इतिहास रचेका छन्। यसअघि, सगरमाथा चढ्नका लागि सामान्यतः ५० दिनभन्दा बढी समय लाग्ने गरेको थियो।
उशाकोभाले मे १५ राति १२:३० बजे न्यूयोर्कबाट यात्रा सुरू गरी काठमाडौं हुँदै एभरेष्ट बेस क्याम्प पुगे। त्यसपछि मे १९ को बिहान ९:२२ बजे सगरमाथाको ८,८४८ मिटर उचाइमा पाइला टेके।
उशाकोभाले उच्च हिमाली वातावरणको प्रतिविम्बित गर्ने 'हाइपोक्सिक ट्रेनिङ टेन्ट' मा ४०० घण्टाभन्दा बढी समय बिताएका थिए। यसले उनलाई उचाइमा अभ्यस्त हुन मद्दत पुर्याएको थियो।
उशाकोभाले परम्परागत बोतल अक्सिजनको प्रयोग गर्दै सगरमाथा चढेका थिए। उनको अभियान एलिट एक्स्पेड कम्पनीले व्यवस्थापन गरेको थियो जसमा तेजन गुरुङ (टीजे), पूरबहादुर गुरुङ, विधान श्रेष्ठ, सुजल गुरुङ, किटेम्बा शेर्पा र पेम्बा छेवाङ शेर्पाजस्ता दक्ष गाइडहरूको साथ र सहयोग थियो।
उशाकोभाले फर्कने क्रममा सगरमाथाबाट फोहोर संकलन गर्दै वातावरण संरक्षणमा पनि योगदान दिएका थिए। उनले भने, "यो यात्रा केवल हिमालको कुरा होइन, यो तपाईंका सीमाहरू भत्काउने कुरा हो। म चाहन्छु मेरो यात्रा अरूलाई पनि ठूलो चुनौती समाना गर्ने हौसला देओस्।"
