चितवनमा चट्याङ लागेर एक जनाको मृत्यु, एक घाइते
काठमाडौं - चितवनको इच्छाकामना गाउँपालिका–१ क्याङसिराङमा बुधबार दिउँसो परेको चट्याङले एक जनाको ज्यान लिएको छ भने अर्का एक जना घाइते भएका छन्। मृतकको पहिचान ५१ वर्षीय बिरू चेपाङको रूपमा भएको छ भने घाइतेको नाम दिल बहादुर चेपाङ रहेको बताइएको छ।
प्रहरीका अनुसार, बिरू र दिल बहादुर बाटोमा हिँडिरहेका बेला अचानक परेको चट्याङको चपेटामा परेका थिए। घटनास्थलको जानकारी प्राप्त भएपछि प्रहरी राति घटनास्थलमा पुगेको थियो। मृतकको शवलाई पोस्टमार्टमका लागि भरतपुर अस्पताल पठाइएको छ भने घाइतेलाई उपचारका लागि त्यही अस्पतालमा भर्ना गरिएको छ।
