काठमाडौं प्रहरी परिसरको गेटबाट थुनुवा फरार
काठमाडौं - जिल्ला प्रहरी परिसर भद्रकाली, काठमाडौंको गेटबाट एक थुनुवा फरार भएका छन्। प्रहरी वृत्त स्वयम्भूबाट मुद्दा प्रयोजनका लागि ल्याइएका २४ वर्षीय निशान परियार परिसरको गेटबाटै फरार भएका हुन्।
प्रहरीका अनुसार परियार अभद्र व्यवहारको कसुरका थुनुवा हुन्। उनी मुद्दा प्रयोजनका लागि प्रहरी वृत्त स्वयम्भूबाट जिल्ला प्रहरी परिसर भद्रकाली ल्याइएका थिए। तर, परिसरको गेटबाटै उनी फरार भएका छन्।
फरार थुनुवाको खोजी कार्य जारी रहेको प्रहरीले जनाएको छ।
