सांसद किसान श्रेष्ठको चेतावनी: १५ जेठभित्र पुल निर्माण सम्पन्न नगरे ठेकेदारलाई कारबाही गर्ने
काठमाडौं - नेकपा (एकीकृत समाजवादी) का सांसद किसान श्रेष्ठले बारा जिल्लाको पर्सौनी र कलैया जोड्ने बंगरी नदीको बञ्जरीया स्थित पुल निर्माणमा ढिलाइ भएको भन्दै ठेकेदारलाई १५ जेठभित्र काम सम्पन्न नगरे कारबाही गर्ने चेतावनी दिएका छन्।
मंगलबार पुलको अनुगमनका क्रममा सांसद श्रेष्ठले सडक डिभिजन कार्यालय हेटौंडाका प्रमुख इन्जिनियर गुरुप्रसाद अधिकारीसहितको टोलीसँग ठेकेदारलाई स्पष्ट निर्देशन दिएका थिए। उनले भने, "१५ जेठभित्र पुलको दुवैतर्फको एप्रोच र ढलानको काम सक्नुपर्छ। नत्र ठेकेदारलाई कारबाही गर्नेछु।" उनले थपे, "आज बेलुकासम्म दुई टिपर र एक एक्साभेटर देखिनुपर्छ।"
