भारतीय नाका हुँदै भन्सार छलेर ल्याइएका ३.६१ करोडको कृषि औजार बरामद
काठमाडौं - झापाको बिर्तामोड नगरपालिका–५ स्थित पूर्व–पश्चिम राजमार्गमा आइतबार राति जिल्ला प्रहरी कार्यालय झापाको टोलीले तीन भारतीय कन्टेनर जाँच गर्दा भन्सार छलेर नेपाल भित्र्याइएका कृषि औजार बरामद गरेको छ।
प्रहरीका अनुसार, काँकडभिट्टा नाका हुँदै नेपालतर्फ भित्रिएका भारतीय कन्टेनर नम्बर एनएल ०१ एएच ५६७९, एनएल ०१ एन ९२२३ र एनएल ०२ एल ७४८६ का कन्टेनरहरूमा बाली काट्ने मेसिन र त्यसमा प्रयोग हुने कृषि औजारहरू लुकेर ल्याइएका थिए।
बरामद गरिएको सामानको मूल्य रु. ३ करोड ६१ लाख रहेको अनुमान गरिएको छ। सामान र कन्टेनरलाई आवश्यक कारबाहीका लागि राजस्व अनुसन्धान कार्यालय इटहरी पठाइएको छ।
