राप्रपा सांसद कार्कीको संसदमा टिप्पणी: सरकार निरंकुश र मण्डलेकरणको आरोप
काठमाडौँ - राष्ट्रिय प्रजातन्त्र पार्टी (राप्रपा) की सांसद रोशन कार्कीले प्रतिनिधि सभा बैठकमा वर्तमान सरकारलाई निरंकुश र मण्डलेकरणको आरोप लगाइन्। उनले संविधानको धारा २७० निलम्बन भएको भन्दै सामाजिक सञ्जालमा लेखेकै कारण पक्राउ गर्नु आपत्तिजनक भएको टिप्पणी गरिन्।
सांसद कार्कीले संसदलाई ढाँट्ने थलोको संज्ञा दिँदै सभामुखको कार्यशैलीप्रति असन्तुष्टि व्यक्त गरिन्। उनले भने, "संसदभित्र आएपछि मैले के पाएँ भने सभामुख महोदय, यो त ढाँट्ने थलो रहेछ, आत्मसम्मान धितो राख्ने ठाउँ रहेछ। यो जस्तो नीरस ठाउँ त केही रहेनछ। बोलिँदो रहेछ, बोलेको कुरा सुनिँदो रहेनछ।" उनले सदनको कुर्सीमा सांसद निदाएको र मन्त्रीहरू भिडियो गेम खेलिरहेको देख्दा सभामुखलाई कस्तो लाग्छ होला भनी प्रश्न गरिन्।
