डेन्टल प्वाइन्टद्वारा नेपालमा अमेरिकी ब्रान्ड 'इनभिजलिन' क्लियर अलाइनरको सुरुआत
काठमाडौँ - डेन्टल प्वाइन्ट प्रालिले अमेरिकी ब्रान्ड 'इनभिजलिन'को क्लियर अलाइनर प्रविधि नेपालमा सार्वजनिक गरेको छ। यस अवसरमा आयोजित कार्यक्रममा डेन्टल प्वाइन्टका कार्यकारी निर्देशक श्रेय पाण्डेले दक्ष दन्त चिकित्सकहरूको माध्यमबाट इनभिजलिन ब्रान्डको क्लियर अलाइनर नेपालभर उपलब्ध गराउने जानकारी दिए।
पाण्डेले भनिन, "दाँतको उपचारमा प्रयोग हुँदै आएको परम्परागत तार प्रविधि भन्दा धेरै गुणा उपयुक्त प्रविधिबारे जानकारी गराउन पाउँदा हामी गौरवान्वित भएका छौँ। क्लियर अलाइनरको प्रयोगले बिरामीलाई चाँडो चिकित्सक भेट्नुपर्ने बाध्यता हटाउँछ र दाँतमा तार बाँध्ने, खोल्ने जस्ता प्रक्रियाबाट हुने दुखाई र पीडाबाट मुक्त बनाउँछ।"
