देशका विभिन्न स्थानमा चार जना मृत अवस्थामा फेला
काठमाडौँ - देशका विभिन्न स्थानमा चार जना व्यक्तिहरू मृत अवस्थामा फेला परेका छन्। घटनासँग सम्बन्धित प्रहरीले आवश्यक अनुसन्धान गरिरहेको जनाएको छ।
१. सर्लाही – बागमती नगरपालिका-१२ कर्मैयास्थित भरत तालमा सोही नगरपालिका-७ राजघाट बस्ने ६७ वर्षीय पाले सार्की सोमबार मृत अवस्थामा फेला परेका छन्।
२. गुल्मी – छत्रकोट गाउँपालिका-१ बोटेगाउँ रेग्दी छहरास्थित बडिगार्ड खोला छेउमा सोही गाउँपालिका-२ दाईछाप बुटिलगाउँ बस्ने ४५ वर्षीय ज्ञान बहादुर राकस मंगलबार मृत अवस्थामा फेला परेका छन्।
३. रौतहट – बौधीमाई नगरपालिका-५ स्थित नासी पुलमुनी परोहा नगरपालिका-६ बसन्त पट्टी बस्ने ७० वर्षीय महादेव महतो सोमबार मृत अवस्थामा फेला परेका छन्।
४. ताप्लेजुङ – मेरिङदेन गाउँपालिका-२ पौवास्थित मैवाखोलाको किनारामा मैवाखोला गाउँपालिका-१ बैरिया टोल बस्ने ३५ वर्षीय मनोज लिम्बु सोमबार मृत अवस्थामा फेला परेका छन्।
प्रहरीले घटनासँग सम्बन्धित थप अनुसन्धान गरिरहेको जनाएको छ।
