.jpeg)
मुग्लिन–नारायणगढ सडकखण्डमा ट्रक दुर्घटनापछि एकतर्फी यातायात सञ्चालनमा
काठमाडौँ - चितवनको नारायणगढ–मुग्लिन सडकखण्ड अन्तर्गत पर्ने तुईनखोला क्षेत्रमा आइतबार बिहान ७ बजे एक कोइला लोड ट्रक दुर्घटनाग्रस्त भएको छ। मधेस प्रदेश ०३–००१ख ९८१७ नम्बरको उक्त ट्रक अनियन्त्रित भई सडकमा पल्टिँदा दुवैतर्फको सवारी आवागमन पूर्णरूपमा अवरुद्ध भएको थियो। दुर्घटनापछि इलाका प्रहरी कार्यालय मुग्लिनबाट प्रहरी निरीक्षक प्रतिक सिंहको नेतृत्वमा खटिएको टोलीले क्रेनको प्रयोग गरेर ट्रकलाई सडकबाट उठाएको हो।
दुर्घटनापछि करिब ४ घण्टापछि उक्त सडक खण्डमा एकतर्फी यातायात सञ्चालनमा आएको चितवन प्रहरीले जनाएको छ। लामो समय सडक अवरुद्ध हुँदा उक्त खण्डमा सवारीको चाप रहेको प्रहरीले थप जानकारी दिएको छ।
