काठमाडौँमा विरोध प्रदर्शन: भारत र पाकिस्तानलाई युद्ध रोक्न आग्रह (तस्बिरहरू)
काठमाडौँ - मानवअधिकार तथा शान्ति समाजले शुक्रबार काठमाडौँस्थित भारतीय दूतावास अगाडि विरोध प्रदर्शन गर्दै भारत र पाकिस्तानलाई युद्धको प्रवर्द्धन नगर्न र शान्ति प्रवर्द्धन गर्न आग्रह गरेको छ। समाजले दुबै देशलाई युद्धको वातावरण सिर्जना नगर्न र द्विपक्षीय वार्ता र सहकार्यको माध्यमबाट समस्याहरूको समाधान खोज्न आह्वान गरेको हो।
समाजका प्रतिनिधिहरूले प्रदर्शनका क्रममा युद्धविराम र शान्ति स्थापनाका लागि संयुक्त पहलको आवश्यकता औँल्याए। उनीहरूले भारत र पाकिस्तानका सरकारलाई युद्धको प्रवर्द्धन नगर्न र क्षेत्रीय शान्तिका लागि जिम्मेवार भूमिका निर्वाह गर्न आग्रह गरे।
यसैबीच, समाजले पाकिस्तान दूतावास अगाडि पनि प्रदर्शन गर्ने योजना बनाएको जनाएको छ।
