पोखरामा वडा अध्यक्ष देवकृष्ण पराजुलीको हातपातको घटनामा तनाव
काठमाडौँ - पोखरा महानगरपालिका वडा नं. ४ का अध्यक्ष देवकृष्ण पराजुलीले व्यवसायी लेखनाथ सुवेदी र कर्मचारी ईश्वर पोखरेलमाथि हातपात गरेको आरोपमा स्थानीय तहका कर्मचारी सङ्घ सङ्गठनले कडा विरोध जनाएका छन्।
मङ्गलवार, सर्वेश्वर मार्गमा व्यवसाय गर्दै आएका सुवेदीलाई फुटपाथमा सामान राखेको भन्दै पराजुलीले हातपात गरेका थिए। यसपछि सुवेदी सम्पर्कविहीन भएका छन्। व्यवसायीहरूले पराजुलीमाथि कडा कारबाहीको माग गर्दै वडा कार्यालयको घेराउ र नाराबाजी गरेका छन्।
त्यसै दिन, पराजुलीले पोखरा महानगरका प्रमुख प्रशासकीय अधिकृत ईश्वर पोखरेलमाथि पनि हातपात गरेको आरोप छ। कर्मचारी सङ्घ सङ्गठनहरूले विज्ञप्ति जारी गर्दै घटनाको सत्यतथ्य छानबिन र दोषीमाथि कारबाहीको माग गरेका छन्। उनीहरूले २४ घण्टाभित्र कारबाही नगरे काम बन्द गरेर सङ्घर्षमा उत्रिने चेतावनी दिएका छन्।
