.jpeg)
प्रचण्ड र सुदूरपश्चिम संसदीय दलका नेताबीचको छलफल स्थगित
काठमाडौँ - नेकपा (माओवादी केन्द्र)का अध्यक्ष पुष्पकमल दाहाल प्रचण्ड र सुदूरपश्चिम संसदीय दलका नेताबीचको छलफल स्थगित भएको छ। प्रचण्डले बुधबार दिउँसो १ बजे खुमलटारमा दलका नेताहरूसँग बैठक बोलाएका थिए। तर, अध्यक्ष प्रचण्ड शौचालयमा लडेर घाइते भएपछि बैठक स्थगित भएको बुझिएको छ। सुदूरपश्चिम प्रदेशका सांसद शिवसिंह ओलीका अनुसार अर्को सूचना नआएसम्म छलफल स्थगित गरिएको जानकारी प्राप्त भएको छ।
२०८० फागुनमा संसदीय दलका नेता मानबहादुर भट्टलाई हटाएर मानबहादुर धामीलाई दलको नेता बनाइएपछि विवाद उत्कर्षमा पुगेको थियो। प्रचण्डले पटकपटक सहमतिमै विवाद समाधान गर्न निर्देशन दिएपनि कार्यान्वयन भएको छैन।
