नेपालको आर्थिक वृद्धिदर ४.६१% पुग्ने प्रक्षेपण
काठमाडौँ - नेपाल सरकारले चालु आर्थिक वर्ष २०८१/८२ मा ४.६१ प्रतिशत आर्थिक वृद्धिदरको प्रक्षेपण गरेको छ। राष्ट्रिय तथ्याङ्क कार्यालयले बुधबार सार्वजनिक गरेको राष्ट्रिय लेखा तथ्याङ्कको प्रारम्भिक अनुमान अनुसार, गत आर्थिक वर्ष २०८०/८१ मा आर्थिक वृद्धिदर ३.६७ प्रतिशत रहेको थियो। यस अवधिमा आधारभूत मूल्यको आर्थिक वृद्धिदर ३.३६ प्रतिशत रहेको छ।
यस वर्षको समग्र अर्थतन्त्रको आकार ६१ खर्ब ७ अर्ब रुपैयाँ पुग्ने अनुमान गरिएको छ। प्रति व्यक्ति आय १,५१७ अमेरिकी डलर पुग्ने प्रक्षेपण गरिएको छ, जुन अघिल्लो वर्षको १,४६७ अमेरिकी डलरको तुलनामा ५० अमेरिकी डलरको वृद्धि हो।
