लुम्बिनी प्रदेश सरकारले दुई सचिवको जिम्मेवारी तोकेको छ
काठमाडौँ - लुम्बिनी प्रदेश सरकारको मन्त्रिपरिषद् बैठकले हालै सरुवा भएर आएका दुई सचिवलाई जिम्मेवारी तोकेको छ। मुख्यमन्त्री चेतनारायण आचार्यको अध्यक्षतामा बुधबार बसेको बैठकले सचिवहरूको जिम्मेवारी तोकेको सरकारका प्रवक्ता तथा कृषि, भूमि व्यवस्था तथा सहकारी मन्त्री दिनेश पन्थीले जानकारी दिए।
सचिवहरूको जिम्मेवारी:
-
बसन्त प्रसाद कोइराला – सामाजिक विकास मन्त्रालयका सचिव।
-
प्रमोद भट्टराई – वन तथा वातावरण मन्त्रालयका सचिव।
यसैगरी, आर्थिक मामिला तथा योजना मन्त्रालयले पेस गरेको आर्थिक वर्ष २०८२/०८३ मा स्थानीय तहमा बाँडफाँट हुने सवारी साधन करको अनुमानित सीमा पठाउने प्रस्ताव पनि बैठकले स्वीकृत गरेको छ।
यस्तै, कृषि, भूमि व्यवस्था तथा सहकारी मन्त्रालयलाई लुम्बिनी प्रदेशमा जीवनाशक विषादी व्यवस्थापनसम्बन्धी व्यवस्था गर्न विधेयकको मस्यौदा तयार गर्न सैद्धान्तिक स्वीकृति प्रदान गरिएको छ।
