दक्षिण कोरिया पठाइदिन्छु भन्दै ३ लाख ठगी गर्ने व्यक्ति पक्राउ
काठमाडौँ - वैदेशिक रोजगारका लागि आकर्षक तलबको प्रलोभनमा पारी दक्षिण कोरिया पठाइदिन्छु भन्दै रकम ठगी गरेको अभियोगमा प्रहरीले एक महिलालाई पक्राउ गरेको छ।
पक्राउ पर्नेमा मोरङको कानेपोखरी गाउँपालिका–२ घर भई हाल काठमाडौं महानगरपालिका–३२ बसोबास गर्ने ५१ वर्षीया मुना कार्की रहेका छन्। उनले बेरोजगार युवालाई झुक्याएर दक्षिण कोरिया पठाइदिन्छु भन्दै ३ लाख ४० हजार रुपैयाँ लिई लामो समयसम्म सम्पर्कविहीन भएको पीडितको उजुरीका आधारमा काठमाडौँ उपत्यका अपराध अनुसन्धान कार्यालय टेकुबाट खटिएको प्रहरीले उनलाई काठमाडौँ महानगरपालिका–१२ बाट पक्राउ गरेको हो।
पक्राउ परेकी मुना कार्कीलाई आवश्यक अनुसन्धान र कारबाहीका लागि वैदेशिक रोजगार विभाग ताहाचल पठाइएको प्रहरीले जनाएको छ।
