मकवानपुरमा रुख काट्ने क्रममा च्यापिएर मृत्यु
काठमाडौँ - मकवानपुरको बागमती गाउँपालिका–३ देउजोरमा रुख काट्ने क्रममा रुखले च्यापिएर इलाम नगरपालिका–९ का ४६ वर्षीय दिलकुमार लिम्बूको मृत्यु भएको छ। स्थानीय सूर्यकिरण सामुदायिक वनमा ठेक्कामा रुख काट्ने क्रममा गए राति उक्त दुर्घटना भएको हो।
जिल्ला प्रहरी कार्यालयका प्रवक्ता प्रहरी नायब उपरीक्षक श्यामु अर्यालका अनुसार, शव परीक्षणका लागि हेटौँडा अस्पताल ल्याउने तयारी भइरहेको छ।
