मिनिट्रक दुर्घटनामा परी ज्यान गुमाएका तीन जनाको सनाखत , डोटी
काठमाडौँ - मिनी ट्रक दुर्घटनामा परी ज्यान गुमाएका तीन जनाको पहिचान भएको छ। उक्त दुर्घटनामा बझाङको बुङ्गल नगरपालिका–२ मलेना निवासी ३२ वर्षीय अर्जुन धामी, ४२ वर्षीय उज्जल जाग्री र ४० वर्षीय जगत धामीको मृत्यु भएको पुष्टि भएको छ।
धनगढीबाट बझाङतर्फ जाँदै गरेको सु.प.प्र. ०१–००१ ख ३४२८ नम्बरको खाद्यान्न र खुद्रा सामान बोकेको मिनी ट्रक अनियन्त्रित भई आज बिहान दुर्घटनामा परेको थियो। प्रारम्भिक अनुसन्धानका अनुसार, कच्ची र चिप्लो बाटोका कारण ट्रक सडकबाट करिब १०० मिटर तल खसेको बताइएको छ।
डोटी जिल्ला प्रहरी कार्यालयका अनुसार, चालक अर्जुन धामीको शव घटनास्थलमा फेला परेको छ भने अन्य दुई जनाको शव घटनास्थलबाट करिब ५० मिटर तल भेटिएको थियो।
