५ बजे मन्त्रिपरिषद बैठक : आन्दोलनरत शिक्षकका मागबारे प्याकेजमै निर्णय गर्ने तयारी
काठमाडौँ - आज साँझ ५ बजे सिंहदरबारमा मन्त्रिपरिषद्को बैठक बस्ने भएको छ। बैठकमा शिक्षा मन्त्रालयले आन्दोलनरत शिक्षकका माग सम्बोधन गर्न प्याकेज प्रस्ताव ल्याउने तयारी गरेको छ। नेपाल शिक्षक महासंघको नेतृत्वमा शिक्षकहरूले विगत २१ दिनदेखि काठमाडौंमा प्रदर्शन गरिरहेका छन् ।
बैठकमा नेपाल राष्ट्र बैंकको गभर्नर नियुक्तिको सम्भावना भने कम छ। सिफारिस समितिले तीन जनाको नाम पठाएपछि मात्र मन्त्रिपरिषद्ले निर्णय गर्नेछ। गभर्नर पद चैत २५ गतेदेखि रिक्त छ ।
