धनुष बहुप्रतिक्षित एक्सन फिल्म 'इडली कढाई'को सेटमा आगलागी
काठमाडौँ - दक्षिण भारतीय अभिनेता धनुषको निर्देशनमा निर्माण भइरहेको बहुप्रतिक्षित फिल्म 'इडली कढाई'को सेटमा आगलागी भएको छ। तमिलनाडुको थेनी जिल्लाको एन्डिपट्टीमा छायाङ्कन भइरहेको फिल्मको गाउँको सेटमा चर्को हावाका कारण आगो लागेको बताइएको छ। आगलागी एक घण्टाभन्दा बढी समयसम्म बलिरहेको थियो र सेटको ठूलो हिस्सा नष्ट भएको छ। तर, यस घटनामा कोही पनि जलेको वा घाइते भएको खबर छैन।
फिल्मको निर्माण डन पिक्चर्सको ब्यानरमा धनुष र आकाश भास्करनले गरेका छन्। यस फिल्ममा धनुषले दोहोरो भूमिका निर्वाह गर्दैछन् र उनले निर्देशन पनि गरेका छन्। उनको अपोजिटमा अभिनेत्री नित्या मेननको अभिनय रहेको छ। अर्को प्रमुख भूमिकामा अभिनेता अरुण विजयले खलनायकको भूमिका निर्वाह गरेका छन्। फिल्मको संगीत जीभी प्रकाश कुमारले दिएका छन्।
'इडली कढाई'को रिलिज मिति अक्टोबर १, २०२५ तय गरिएको छ। यस फिल्मको छायाङ्कन लामो समयदेखि चलिरहेको थियो र यसमा विभिन्न कलाकारहरूको अभिनय रहेको छ।
