.jpeg)
जबरजस्ती करणी गरेको अभियोगमा एक जना पक्राउ
काठमाडौँ - सिद्धार्थनगर नगरपालिका-३ खजहना बस्ने ५० वर्षीय दीपक कुमार क्षेत्रीलाई आइतबार साँझ प्रहरीले पक्राउ गरेको हो । १७ वर्षीया किशोरीलाई जबरजस्ती करणी गरेको अभियोगमा दीपक पक्राउ परेका छन् ।
दीपकले ती बालिकालाई जबरजस्ती करणी गरेको भन्ने उजुरीको आधारमा जिल्ला प्रहरी कार्यालय रुपन्देहीबाट खटिएको प्रहरीले उनलाई पक्राउ गरेको जानकारी दिइएको छ । यस सम्बन्धमा प्रहरीले आवश्यक अनुसन्धान गरिरहेको छ ।
