नेपाल प्रहरीले भान्छे र कुचीकार पदका लागि दरखास्त आह्वान
काठमाडौँ । नेपाल प्रहरीले प्रहरी कार्यालय सहयोगी (भान्छे र कुचीकार) पदमा कर्मचारी माग गरेको छ। यसका लागि खुला प्रतियोगिताद्वारा समावेशी प्रावधान बमोजिम पदपूर्ति गर्न विज्ञापन प्रकाशित गरिएको हो।
यस पदका लागि ४७ जना भान्छे र ११ जना कुचीकारको माग गरिएको छ। इच्छुक र योग्य नेपाली नागरिकहरूले मंसिर २७ गतेदेखि माघ ७ गतेसम्म आवेदन दिन सक्नेछन्।
विस्तृत जानकारी र आवेदनका लागि नेपाल प्रहरीको आधिकारिक वेबसाइटमा उपलब्ध सूचना हेर्न सकिन्छ।
