सुनको मूल्यमा फेरि वृद्धि, चाँदीको मूल्य कति ?
काठमाडौँ । नेपाली बजारमा बुधबार सुनको मूल्यमा उल्लेखनीय वृद्धि भएको छ। नेपाल सुनचाँदी व्यवसायी महासंघका अनुसार, अघिल्लो दिनको तुलनामा सुनको मूल्य तोलामा २,७०० रुपैयाँले बढेर १ लाख ८७ हजार रुपैयाँ पुगेको छ। यसअघि मंगलबार छापावाल सुनको मूल्य तोलामा १ लाख ८४ हजार ३०० रुपैयाँ थियो। यसरी, बुधबारको मूल्य हालसम्मकै उच्च रहेको महासंघको भनाइ छ।
त्यस्तै, चाँदीको मूल्यमा पनि वृद्धि भएको छ। मंगलबार तोलामा १,९४५ रुपैयाँ रहेको चाँदीको मूल्य बुधबार बढेर १,९५५ रुपैयाँ पुगेको हो।
