विद्युतीय प्रणालीबाट सञ्चालित लिफ्ट सिँचाइ आयोजना निर्माण : जुम्ला तातोपानी
काठमाडौँ । जुम्ला जिल्लाको तातोपानी गाउँपालिका–६ स्थित धौलापानीमा रु ५७ लाख ६१ हजारको लागतमा विद्युतीय लिफ्ट सिँचाइ आयोजना निर्माण सम्पन्न भएको छ। यस आयोजनाले २५ किलोवाटको मोटर र १० किलोवाटको विद्युत् आपूर्ति प्रणालीमार्फत ५ हेक्टर जमिनमा सिँचाइ सुविधा पुर्याउने लक्ष्य राखेको छ। यस आयोजनाबाट ३५ घरधुरीका १४५ जनसंख्या प्रत्यक्ष लाभान्वित भएका छन्।
यो आयोजना वैकल्पिक ऊर्जा प्रवर्द्धन केन्द्रको रु ५४ लाख ८ हजार ७४१ र तातोपानी गाउँपालिकाको रु ३ लाख ५२ हजार ४७१ लगानीमा निर्माण गरिएको हो। यसअघि सोलार प्रणालीमार्फत सञ्चालन भएका लिफ्ट सिँचाइ आयोजना दीर्घकालीन रूपमा टिकाउ नभएपछि विद्युतीय प्रणालीमार्फत नयाँ आयोजना निर्माण गरिएको हो।
यस आयोजनाले सिँचाइको अभावमा बाँझो रहेका जमिनमा खेतीको सम्भावना बढाएको छ र कृषकहरूको आयआर्जनमा सुधार ल्याउने अपेक्षा गरिएको छ।
