कोशी प्रदेश लगानी सम्मेलनमा ५४ वटा परियोजना सोकेसिङ
काठमाडौं । कोशी प्रदेश सरकारले आगामी वैशाख १८ र १९ गते विराटनगरमा आयोजना गर्ने प्रदेश लगानी सम्मेलनको मिति तय गरेको छ। यसअघि तयारी पूरा नभएको भन्दै सम्मेलन माघमा स्थगित गरिएको थियो। अब सम्मेलनको उद्देश्य प्रदेशमा औद्योगिक वातावरण सिर्जना गर्दै रोजगारी र व्यावसायिक उत्साहको प्रवर्द्धन गर्नु रहेको छ।
सम्मेलनमा आठ प्रमुख क्षेत्रहरूमा करिब ५४ वटा परियोजनाहरू प्रस्तुत गरिनेछन्। यसबाट लगभग १ खर्ब रुपैयाँको लगानी जुटाउने लक्ष्य राखिएको छ। सम्मेलनपछि कोशी प्रदेश नेपालकै प्रमुख लगानी गन्तव्यको रूपमा परिचित हुने अपेक्षा गरिएको छ।
