केपी शर्मा ओली र शेरबहादुर देउवाबीच भेटवार्ता
काठमाडौँ । प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच आज काठमाडौँमा भेटवार्ता भएको छ। प्रधानमन्त्रीको सचिवालयका अनुसार यो भेटवार्ता नियमित छलफलको हिस्सा हो। प्रधानमन्त्री ओलीले सामाजिक सञ्जालमार्फत भेटवार्ताबारे जानकारी दिँदै लेखेका छन्, "नेपाली कांग्रेसका सभापति, पूर्वप्रधानमन्त्री, मेरा मित्र शेरबहादुर देउवाजीसँग कुराकानी भयो। केही जानकारी आदानप्रदान, केही राजनीतिक विमर्श भए। सरकारले गरिरहेका र गर्नुपर्ने कामका विषयमा पनि कुरा भए।"
यसै दिन साँझ ६ बजे प्रधानमन्त्री ओलीले मन्त्रिपरिषद् बैठक बोलाएका छन्। बैठकमा समसामयिक राजनीतिक विषयवस्तुमा छलफल र आवश्यक निर्णय हुने अपेक्षा गरिएको छ।
