काठमाडौँ उपत्यकासहितका जिल्लामा हल्का वर्षा
काठमाडौँ । बुधबार दिउँसो काठमाडौँसहितका विभिन्न जिल्लामा हल्का वर्षा भएको छ। झापा, सुनसरी, सिन्धुपाल्चोक, सल्यान, दाङ लगायतका स्थानमा मेघ गर्जन र चट्याङसहित पानी परेको जल तथा मौसम विज्ञान विभागले जनाएको छ।
यस वर्षाले बढ्दो वायु प्रदूषणका कारण प्रभावित काठमाडौँ लगायतका सहरहरूमा राहतको महसुस गराउने अपेक्षा गरिएको छ।
