.jpeg)
धरानको पानबारीस्थित जंगलमा एक महिलाको शव फेला
काठमाडौँ । धरानको पानबारीस्थित जंगलमा एक अधबैँसे महिलाको शव फेला परेको छ। अन्दाजी ३५–४० वर्ष उमेर भएकी ती महिलाको पहिचान अहिलेसम्म खुल्न नसकेको इलाका प्रहरी कार्यालय धरानका डिएसपी प्रकाश जबेगूले बताएका छन्।
शव पानबारीको लिम्बुचौरीदेखि केही तलको जंगलमा नाङ्गो अवस्थामा फेला परेको हो। महिलाको शरीरको माथिल्लो भागमा लुगा लगाएको देखिए पनि घाँटीमा कालो कपडाले बाँधेर रुखमा लगेर बाँधिएको अवस्थामा थियो। यसबाट स्थानीयहरूले उनलाई बलात्कारपछि हत्या गरिएको हुनसक्ने आशंका व्यक्त गरेका छन्।
घटनाको अनुसन्धान भइरहेको र शवको पहिचानका लागि प्रयास जारी रहेको प्रहरीले जनाएको छ।
