लागुऔषधसहित तीन जना पक्राउ :सतुंगल
काठमाडौँ । सशस्त्र प्रहरीले काठमाडौँको सतुंगलबाट ३ जनालाई लागुऔषधसहित पक्राउ गरेको छ। पक्राउ पर्नेमा मोरङको मिक्लाजुङ्ग–८ का ४५ वर्षीय अमर बहादुर दर्जी, महोत्तरीको मनरासिस्वा नगरपालिका–२ का ३० वर्षीय सन्दीप सिंह र काठमाडौँ महानगरपालिका–८ का ३३ वर्षीय आसिक सिंह रहेका छन्।
उनीहरूलाई बाराको सिम्रौनगढ, कलैया, वीरगन्ज हुँदै काठमाडौँतर्फ आउँदै गरेको यात्रुवाहक बसमा सवार अवस्थामा विशेष सूचनाका आधारमा सशस्त्र प्रहरी बल इन्टेलिजेन्स ब्युरोको टोलीले पक्राउ गरेको हो। उनीहरूको साथबाट डाईजोपाम, नोफिन र फेनारगन जस्ता लागुऔषधहरू बरामद गरिएको छ। पक्राउ परेका तीनै जनालाई आवश्यक कारबाहीको लागि सम्बन्धित निकायमा बुझाइएको छ।
