.jpeg)
फेरि बढ्यो सुनको मूल्य : कति छ चाँदीको ?
काठमाडौँ । नेपालमा बुधबार सुनको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार, आज छापावाला सुनको मूल्य प्रतितोला १ लाख ७५ हजार ४ सय रुपैयाँ पुगेको हो, जुन मंगलबारको तुलनामा २ हजार रुपैयाँ बढी हो। मंगलबार सुनको मूल्य प्रतितोला १ लाख ७३ हजार ४ सय रुपैयाँ थियो।
यसैगरी, बुधबार चाँदीको मूल्य प्रतितोला १ हजार ८३५ रुपैयाँमा कारोबार भइरहेको छ, जुन मंगलबारको मूल्य १ हजार ८३० रुपैयाँको तुलनामा केही वृद्धि हो।
अन्तर्राष्ट्रिय बजारमा सुनको मूल्य वृद्धिका कारण नेपाली बजारमा पनि यसको प्रभाव परेको महासंघले जनाएको छ। यसअघि, चैत महिनामा सुनको मूल्यले नयाँ रेकर्ड कायम गर्दै प्रतितोला १ लाख ८० हजार ३ सय रुपैयाँ पुगेको थियो।
