.jpeg)
नेपालका उच्च पहाडी र हिमाली भू–भागमा हिमपातको सम्भावना
काठमाडौँ । हाल देशमा पश्चिमी वायु र स्थानीय वायुको प्रभाव रहेको छ। यसका साथै, बंगालको खाडीबाट भित्रिएको जलवाष्पयुक्त हावाको पनि असर देखा परेको छ।
जल तथा मौसम विज्ञान विभागका अनुसार, कोशी, बागमती, गण्डकी, र लुम्बिनी प्रदेशका पहाडी भू–भागका केही स्थानहरूमा मेघगर्जन र चट्याङसहित हल्कादेखि मध्यम वर्षा भइरहेको छ। उच्च पहाडी र हिमाली भू–भागका थोरै स्थानहरूमा हल्का हिमपातको सम्भावना रहेको छ। यसको प्रभावले दैनिक जनजीवन, स्वास्थ्य, कृषि, सडक र हवाई यातायातमा असर पर्न सक्ने हुँदा सतर्कता अपनाउन महाशाखाले अनुरोध गरेको छ
