.jpeg)
आगलागीमा सत्ताइस घर नष्ट : अछाम
काठमाडौं । अछामको बान्निगढी जयगढ गाउँपालिकास्थित जयगढ बजारमा गएको राति आगलागी हुँदा २७ वटा घर जलेर नष्ट भएका छन्। यस आगलागीबाट करिब ७ करोड रुपैयाँभन्दा बढीको धनमालको क्षति भएको अनुमान गरिएको छ।
आगलागीको स्रोत पुष्पराज शर्माले सञ्चालन गर्दै आएको आइएमई केन्द्रको सिलिण्डर विष्फोट भएको स्थानबाट फैलिएको बताइएको छ। जलेका २७ घरमध्ये ११ वटामा स्थानीय व्यापारीहरूले पसल सञ्चालन गर्दै आएका थिए।
अछामका प्रहरी प्रमुख ईश्वरप्रसाद भण्डारीका अनुसार, आगलागीबाट भएको क्षतिको पूर्ण विवरण संकलन गर्ने प्रक्रिया जारी रहेको छ।
