तिहारको विदामा पनि पेट्रोलिय पदार्थको बिक्रीवितरण नरोकिने, यी १३ स्थानबाट ‘सप्लाई’ गरिने
काठमाडौं । नेपाल आयल निगमले तिहारको विदामा समेत पेट्रोलिय पदार्थको बिक्रीवितरण नरोक्ने भएको छ । नेपालीहरुको दोस्रो ठूलो चाडकारुपमा रहेको पेट्रोलियम पदार्थको बिक्री नरोक्ने निर्णय निगमले जानकारी गराएको हो ।
देशभर छरिएर रहेका विभिन्न कार्यालयमध्ये प्रादेशीकसहित १३ स्थानाबाट पेट्रोलियम पदार्थको बिक्रीवितरण गर्ने छ । कोशी प्रदेशमा विराटनगरबाट, मधेशमा अमलेखञ्ज, बागमतीबाट थानकोट, गण्डकीबाट पोखरामा बिक्रीवितरण हुने निगमले जानकारी दिएको छ ।
लुम्बिनीमा भैरहवा, कर्णालीमा सुर्खेत, सदुरपश्चिममा धनगढी लगायतका स्थानबाट बिक्री ह’ने बताइएको छ । यस्तै, नेपालगञ्ज र दाङ तथा विरगञ्ज, चारआली र दिपायलबाट समेत पेट्रोलियम पदार्थको बिक्रीवितरण गर्ने निगमले जानकारी दिएको छ ।
