image
image
सहुलियतपूर्ण दुरुपयोग भएको कर्जा फिर्ता नलिए कारबाही गर्ने राष्ट्र बैंकको चेतावनी

सहुलियतपूर्ण दुरुपयोग भएको कर्जा फिर्ता नलिए कारबाही गर्ने राष्ट्र बैंकको चेतावनी

 

काठमाडौं । बैंक तथा वित्तीय संस्थाहरुबाट विभिन्न १० वटा क्षेत्रमा प्रदान हुँदै आएको सहुलियतपूर्ण कर्जा दुरुपयोग भएको राष्ट्र बैंकले जनाएको छ । बैंकले चैत मसान्तसम्म प्रवाह भएको ऋणमध्ये ७ प्रतिशत ऋण दुरुपयोग भएको निष्कर्ष निकालेको हो ।

बैंकले गरेको अध्ययनमा चैत मसान्तसम्म १ लाख २७ हजार २ सय १२ जना ऋणीमा अध्ययन गर्दा ७ प्रतिशतले सहुलियतपूर्ण कर्जा दुरुपयोग गरेको फेला पारेको थियो। चैत मसान्तसम्म ऋणीले १ खर्ब ४० अर्ब ५० करोड रुपैयाँबराबरको सहुलियतपूर्ण कर्जा उपभोग गरेका थिए । 

सरकारले सहुलियतपूर्ण कर्जाका लागि ब्याज अनुदानसम्बन्धी एकीकृत कार्यविधि २०७५ बनाएर व्यावसायिक कृषि तथा पशुपक्षी कर्जा, शिक्षित युवा स्वरोजगार कर्जा, महिला उद्यमशील कर्जालगायतका १० प्रकारका कर्जामा सहुलियतपूर्ण कर्जा प्रदान गर्नुपर्ने व्यवस्था गरेको थियो ।साथै ऋणीबाट ब्याजअनुदान फिर्ता नलिएका बैंक तथा वित्तीय संस्थालाई काराबाही गर्ने समेत बैंकले जनाएको हो ।

यसअघि २०८० माग १० गते बसेको बैंकको सञ्चालक समितिले दुरुपयोग भएको ऋणबारे छानबिन गर्दै त्यस्ता ऋणीबाट सुविधा फिर्ता लिन बैंक तथा वित्तीय संस्थाहरुलाई निर्देशन दिने निर्णय गरेको थियो । राष्ट्र बैंकको सुपरिवेक्षण विभागले मंगलबार सूचना जारी गर्दै प्रतिवेदन र बैठकले गरेको निर्णय कायान्यवन गर्न बैंकहरुलाई निर्देशन दिएको छ ।

यसअनुसार बैंक तथा वित्तीय संस्थाहरुबाट प्रवाह भएको कर्जा दुरुपयोग भएको आशंकामा राष्ट्रबैंकले गरेको एक अध्ययनले ७ प्रतिशतले दुरुपयोग भएको निष्कर्ष निकालेको हो । बैंकले सदुपयोग नभएका कर्जा वापतको ब्याज अनुदार तथा सुविधा ऋणीबाट फिर्ता गर्न निर्देशन दिइसकेको छ ।

यो खबर पढेर तपाईलाई कस्तो महसुस भयो ?
0%
anger आक्रोशित
0%
depressed निराश
0%
thinking सोच्दै
0%
cry रुनु
0%
lol हाँसो
0%
perfect उत्तम
0%
surprise अचम्म
0%
hearteyes मन पर्यो
प्रतिक्रिया दिने पहिलो हुनुहोस .....
  • तपाईंको विचार पोष्ट गर्न प्रतिक्रिया पोष्ट गर्नुहोस मा क्लिक गर्नुहोस।
  • प्रतिक्रिया दिनुहोस्

    तपाईको इ-मेल प्रकाशित हुँदैन। आवश्यक क्षेत्रहरू * चिह्नित छन्।

    सम्बन्धित समाचार

    यस लेखका लागि हाल सम्बन्धित समाचार उपलब्ध छैन।