दुवईबाट राइस कुकरभित्र सुन लुकाएर ल्याउने पक्राउ
काठमाडौं। फ्लाई दुवई एयरलाइन्सको उडानबाट राइस कुकरभित्र करिब ८८४.४५० ग्राम सुन ल्याउने एकजनालाई प्रहरीले विमानस्थलबाट पक्राउ गरेको छ ।
मंगलबार राति सवा १० बजे दुबईको विमानबाट आएका धनुषाका ३४ वर्षीय प्रकाश महरालाई विमानस्थलस्थित भन्सार कार्यालय परिसरबाट पक्राउ गरेको थियो।
प्रहरीका अनुसार उनले दुवईबाट काठमाडौं आउँदा राइस कुकरमा लुकाइ छिपाइ उक्त परिमाणको धातु र बाला ल्याएका थिए । यस विषयमा प्रहरीले थप अनुसन्धान गरिरहेको बताएको छ ।
