भारतमा २४ घण्टामा ३ हजार ६४१ जना सङ्क्रमित थपिए, ११ जनाको मृत्यु
काठमाडौँ, २०, चैत्त । भारतमा पछिल्लो २४ घण्टामा थप ३ हजार ६४१ जनामा कोरोनाभाइरसको सङ्क्रमण पुष्टि भएको छ । स्वास्थ्य मन्त्रालयका अनुसार योसँगै देशभर सक्रिय सङ्क्रमितको सङ्ख्या २० हजार २१९ पुगेको छ । हाल देशमा दैनिक सङ्क्रमण दर ६.१२ रहेको छ भने साप्ताहिक सङ्क्रमण दर २.४५ प्रतिशत रहेको छ ।
यही अवधिमा थप ११ जना सङ्क्रमितले ज्यान पनि गुमाएका छन् । भारतमा हालसम्म कोभिड–१९ बाट ५ लाख ३० हजार ८९२ जनाको मृत्यु भइसकेको छ । मन्त्रालयले देशमा हालसम्म कूल सङ्क्रमितको सङ्ख्या ४ करोड ४७ लाख २६ हजार २४६ पुगेको जानकारी दिएको छ ।
