नेपाल राष्ट्र बैंकमा पहिलोपटक महिला डेपुटी गभर्नर
काठमाडौँ। नेपाल राष्ट्र बैंकले पहिलोपटक महिला डेपुटी गभर्नर पाएको छ । मंगलबार बसेको मन्त्रीपरिषदको बैठकले बैंककी कार्यकारी निर्देशक नीलम ढुंगानालाई नियुक्त गरेसँगै राष्ट्र बैंकले पहिलो महिला डेपुटी गभर्नर पाएको हो । उनिसंगै अर्का कार्यकारी निर्देशक बमबहादुर मिश्र पनि डेपुटी गभर्नरमा नियुक्त भएका छन् ।
नेपाल राष्ट्र बैंकका गभर्नर महाप्रसाद अधिकारीको सिफारिसमा कार्यकारी निर्देशक मध्येबाट मन्त्रिपरिषदले दुई जनालाई डेपुटी गभर्नर नियुक्त गरेको हो। गभर्नर अधिकारीले २ पदका लागि ४ जनाको नाम सिफारिस गरेका थिए । केही दिनअघि गभर्नर अधिकारीले सिफारिस गरेको सूचीबाट अर्थमन्त्रीको प्रस्तावमा मंगलबारको मन्त्रिपरिषदले नियुक्त गरेको हो ।
मिश्र राष्ट्र बैंकको विदेशी विनिमय विभाग प्रमुख थिए। यस्तै हाल कार्यकारी निर्देशक रहेकी ढुंगाना राष्ट्र बैंक व्यवस्थापन विभाग प्रमुख थिइन्। व्यवस्थापनमा विद्यावारिधी गरेकी ढुंगाना २०७४ साल फागुन २५ गते राष्ट्र बैंकको कार्यकारी निर्देशकमा बढुवा भएकी हुन्। हाल उनी राष्ट्र ऋण व्यवस्थापन विभागमा छिन्।
नेपाल राष्ट्र बैंकका गभर्नर महाप्रसाद अधिकारीको सिफारिसमा कार्यकारी निर्देशक मध्येबाट मन्त्रिपरिषदले दुई जनालाई डेपुटी गभर्नर नियुक्त गरेको हो। गभर्नर अधिकारीले २ पदका लागि ४ जनाको नाम सिफारिस गरेका थिए । केही दिनअघि गभर्नर अधिकारीले सिफारिस गरेको सूचीबाट अर्थमन्त्रीको प्रस्तावमा मंगलबारको मन्त्रिपरिषदले नियुक्त गरेको हो ।
मिश्र राष्ट्र बैंकको विदेशी विनिमय विभाग प्रमुख थिए। यस्तै हाल कार्यकारी निर्देशक रहेकी ढुंगाना राष्ट्र बैंक व्यवस्थापन विभाग प्रमुख थिइन्। व्यवस्थापनमा विद्यावारिधी गरेकी ढुंगाना २०७४ साल फागुन २५ गते राष्ट्र बैंकको कार्यकारी निर्देशकमा बढुवा भएकी हुन्। हाल उनी राष्ट्र ऋण व्यवस्थापन विभागमा छिन्।
